ṬAWNG LAMKEI/UPA
ṬAWNG UPA/ LAMKEI
*Se lût hnunga se dâi khâr*
A'n hnûk hnunga thil thaw.
*Sepui raw do*
Thaw ngâina hre loa tuor tlawk tlawk.
*Sa ṭap suok pêk ang*
Lungril sukna tâwk chaua ieng tham ni lo thil pêk dawng.
*Sa ui tan*
Inremna thu thlung.
*Sâi sa nuoi*
Buoi nuoi, chieng lo.
*Sa huoi ni do ang*
Kûn rân, kimkî tlat.
*Sa huoi thing chel*
Thu pawm nghet tlat.
*Sâi hnâra bâk lût ang*
Thil indik lo hang sui a, intum kuol vêl.
*Ruo ṭham lo*
A thar lâm hlawk.
*Rûl raw nei*
A hmangna ding hre mang sî loa thil nei.
*Riekmaw ang*
Vâkvâi, chavai, inrieng.
*Rieng hlei*
Rethei chungchuong.
*Rikrum thil*
Buoi thut, um thut, tlung thut.
*Ril rem zâwng*
Dit zâwng, remtî zâwng, lâwm zâwng.
*Rangkadâr tui*
Rângkachak tui.
*Raw mit put*
En zing sia hmu thei lo.
*Râl pui phier taka phier*
Nasa taka ngâituo.