ṬAWNGLAMKEI

*ṬAWNG LAMKEI/UPA*

*Meichawk en*

Ṭâm, fâk ding tlasam.

Thanga hai chu mei chawk an en el châng khawm a tam.

*Mêna thlâk*

Ngâizam mei mei, la thutak lo.

Liena mi hril sietnahai po po chu lungsena la el lovin, mêna ka thlâk lem a.

*Mi rethei hnuka le zâwng hnukah ieng khawm a lût maw nawh*

Mi rethei hnuka chu a'n hnik naw tak tak hi a lo um nawh.

*Mi zîk bûl*

Sûngkhat lâina nei lo.

Thanga chu mi zîk bûl ni sien khawm, mi intodel tak a nih.

*Nâhai in ang*

In chung inâwng ṭek ṭuk, in far nasa.

Khuma hai in chung chu Nâhai in chung ang el a nih.

*Nei thinglung khâwng*

Nei po poin, theina po poin.

Nu le pahaiin nei thinglung khâwnga sikul an mi'n kâitir ṭâwk ṭâwk a nih.

*Pêngpelep khuo a'n hnu*

Inhnûk, inkhêl tah.

Ṭapin ka ko, sienkhawm pêngpelep khuo a'n hnu zo tah.

*Phung hmu*

Hmu vuoi, hmu chieng hman lo.

Ka phung hmu vuoi a, a hmêl ka hmu chieng hman nawh.

*Phung lâia piring vâwr ang*

Inchû zo vat.

Ka lekhabu zawr chu phung lâia piring vâwr ang el a nih. An inchû zo nghâl.

*Puollêng thlang tla ang vang vang*

Rê vang vang, dei sawng vang vang.

Thanga chu Puollêng thlang tla ang vang vang a nih. A hlim a thla hmu ding a um ta nawh.